ತುಳು ವಿಶ್ವ ಸಮ್ಮೇಳನ

ತುಳು ವಿಶ್ವ ಸಮ್ಮೇಳನ

ತುಳುವೆರ್‍ನ ಬೆನ್ನಿ ಬದ್‍ಕ್

1-ಸುಮಾರ್ 3000 ವರ್ಷೊಡ್ದ್ 35 ವರ್ಷೊದ ಆಧಾರೊಟು ಯಾನ್ ಇತ್ತೆದ ಪಾತೆರೊ, ಉಂದೆಕ್ ದಾಖಲೆ ಉಂಡು ರಾಬರ್ಟ್ ಭ್ರೂಸ್ ಘಟ್ ಪುರಾತತ್ವ ಸಂಶೋಧಕೆ ಲೋಹಯುಗಟ್ ಬೆನ್ನಿ ಸುರುವಾತ್‍ಂಡ್.

2-ಬೆನ್ನಿಂದ್ ಪಂಡ ಅವು ಕೇವಲ ಬಾರ್ ಬುಲೆಪಾಪುನ ಮಾತ್ರೊಂದು ಲೆಕ್ಕೊ. ಇನಿ ತೂಪಿನಂಚಿನ ಕಂಗ್, ತಾರೆ, ರಬ್ಬರ್ ಅವು ಬೆನ್ನಿದ ಸಾಲ್‍ಗ್ ಸೇರುಜಿ, ಐಕ್ ತುಳುನಾಡ್‍ಟ್ ಬೆನ್ನಿಂದ್ ಪನ್ಪಜ್ಜಿ. ಬೆನ್ನಿ = ದುಡಿಯು ದುಡಿಮೆಂದ್ ಪಂಡ ಒವುಲಾ ಆಪುಂಡು, ಅವು ಬಾರೇ ಆವೊಡೂಂದು ದಾಲಾ ಇಜ್ಜಿ. ತುಳುಟು ದುಡಿಮೆಗೆ ಅನ್ವರ್ಥ ಪದೊ ಬಾರ್(ನೆಲ್ಲ್). ಬಾರ್ತ ಬೆನ್ನಿಂದ್ ಇಜ್ಜಿ. ಬೇಸಾಯ ಪಂಡ ದುಡಿಯೂಂದ್ ಅರ್ಥ.

3- ಆಂಟ ಬೇತೆ ಬಾಸೆಟ್ ಬೆನ್ನಿ/ ಬೇಸಾಯಾಂದ್ ಪಂಡ ಅವು ಒವುಲಾ ಆಪುಂಡು, ಅವು ಕಂಡತವೇಂದ್ ಅರ್ಥೊ, ಕನ್ನಡೊಟು ಬತ್ತದ ಬೇಸಾಯಾಂದ್ ಪನ್ಪೊ, ಬೆನ್ನಿಂದ್ ಪಂಟ ಮುಗಿಡ್.,ಜೀವನಾಧಾರ, ಆಸರೆ, ಬದ್‍ಕ್ ಕೊರ್ಪಿನಯಿನ ದುಡಿಮೆ,

4-“ಬಾರ್” ಪಂಡ ಬಾಳ್, ಬಾಳು, ಬದುಕು, ವಾಸಿಸು ಇಂಚಿತ್ತಿ ಅರ್ಥೊ ಉಂಡು, ಅಂಚನೆ ಬಾರ್ ದ್ರಾವಿಡ ಭಾಷೆತ “ನೆಲ್ಲ್” ಮೂಲೋ ಪದ. ನೆಲ್ಲ್ ಪಂಡ ನೆಲೆ, ಆಸರೆ, ಜೀವನಾಧಾರ ಇಂಜಿತ್ತಿ ಅರ್ಥೊ ಉಂಡು,

5-ಯಾನ್ ಈ ವಿವರಣೆ ಕೊರಿಯೆರೆ ಕಾರಣೊ ಬೆನ್ನಿ ಆತ್ ಪುರಾತನವಾಯಿನ, ಬೊಕ್ಕೊ ಆತ್ ಅರ್ಥೊ ವಿವರಣೆ ಕೊರ್ಪಿನವು, ಒಂಜಿ ಕಾಲೊಟು ಬೆನ್ನಿಗ್‍ಲಾ ದುಡಿಮೆಗ್‍ಲಾ ಅರ್ಥೂ ವ್ಯತ್ಯಾಸೊನೇ ಇಜ್ಜಿ. ಆಂಟ ಕರಿ 25 ವರ್ಷೊಡ್ದಂಚಿ ಅವು ನಮ ನಡುಟಿಚ್ಚಿ. ಇತ್ತಂಡಲಾ ಅವುಲು ಮೂಲು ಕರೆ ಬರಿಟ್ ಒಂತೆ. ಆಂಟ ಅವುವೇ ಅರಿನ್ ನಮೊ ಇನಿಲಾ ತಿನೊಂದುಲ್ಲೊ, ಬುಳೆಪುನ ಕೆಲಸ ಬುಟುತು ರೆಡಿಮೆಡ್ ಅರಿನ್ ತಿಂದೊಮದುಲ್ಲಾ.

6-ಒಂಜಿ ಬೇಸಾಯ ಸಂಸ್ಕøತಿಂದ್ ಪಂಡ ಅವು ಬಜೀ ತಿನ್ನುನ ಮಾತ್ರೊ ಅತ್ತ್, ಅಂಚನೆ ಇನಿತ ದುಡ್ಡು ಲೆಕ್ಕ ಮಲ್ಪಿನವುಲಾ ಅತ್ತ್. ಅಯಿನ ಪಿರಾವು ಮಾಂತಲಾ ಆಯಿನ ಒಂಜಿ ಬದ್‍ಕ್ ಉಂಡು. ನಮ ಇನಿ ತುಳು ಸಂಸ್ಕøತಿಂದ್ ಒಯಿನ್ ಪನ್ಪನೋ ಅವು ಇಪ್ಪುನ ನಮ ಬೆನ್ನಿದ ಪಿರಾವು. 25 ವರ್ಷೊಂಡ್ದು ಅವು ಕಡಮೆ ಆವೊಂದು ಉಂಡು, ಅಂಚಾತ್ ನಮ ಇಲ್ಲಾಲ್ ಇತ್ತಿನ ಆಚರಣೆ ಇನಿ ಬೈಲ್‍ಗ್ ಬತ್ತ್‍ತ್ತಂಟ್, ನನ ಒಂಜಿ 10 ವರ್ಷೊ ಕರಿಂಡ ಅವು ಬೈಲ್‍ಟ್‍ಲಾ ಇಪ್ಪುಜಿ.

7-ಅರಿ ಇನಿ ಆಮದು ಆವೊಂದುಂಟು, ಅಂಚಾತ್ ಕಂಡ ಪೋತು ತೋಟ ಆತ್‍ಂಡ್, ನೊಗೊ ನಾಯೆರ್ತ ಜಾಗೆಟ್ಟ್, ಮರ್ದ್ ಬುಡುಪ್ಪುನ ಪಂಪುಲಾ, ಬಜ್ಜೈ ಕಲೆವುನ ಕತ್ತಿಲಾ ಜಾಲ್ ಸೇರ್ದಂಡ್.

ಪಗ್ಗು 1 ನೆಂಪಿಚ್ಚಿ, ಪಗ್ಗು 18 ಅಗತ್ಯ ಇಚ್ಚಿ, ಪತ್ತನಾಜೆ ಬೊಡ್ಚಿ. ಪತ್ತನಾಜೆ (ವಿವರಣೆ)

8-ಕೊಳಕೆ ಕಂಡೊಟ್ಲಾ ರಬ್ಬರ್, ಅಂಚಾತೇ ಪರಿಯೆರೆ ನೀರ್‍ಗ್ ಲೆಕ್ಕೊ ಪಾಡೊಂತುಲ್ಲೊ.(ವಿವರಣೆ) ಎಪ್ರೀಲ್-ಮೇ ಟ್ ಪರಿತೋದು ಪೋವೋತ್ತಿತ್ತಿನ ನೀರ್ ಇನಿ 600-700 ಪೀಟ್ ಅಡಿಕ್ಕ್ ಪೋಟಲಾ ಖಾಲಿ ಧೂಳ್ ಮಾತ್ರೊ.

9-ಇನಿ ನುಪ್ಪು ಉಂಡ್‍ಂಟ ಕಾಯಿಲೆ ಬರ್ಪುಂಡುಂದು ಪನ್ಪೆರ್, ಅಯಿಕ್ ಸಿರಿದಾನ್ಯೊ ತಿನ್ಲೇಂದ್‍ಲಾ ಪ್ರಚಾರೊ ಮತ್ತೊಂದುಲ್ಲೆರ್. ಯಾನ್ ಕೇನುನಾ ನಮ ಹಿರಿಯಾಕುಲು ನುಪ್ಪು ತಿಂದ್‍ದ್ ಏತ್ ಜನೊ ಸೈತ್ತ್‍ತೇರ್. ನುಪ್ಪು ಕೈತ್ತ್‍ತ್ ಸೈಯೊಂತುಲ್ಲಾಂದ್ದ ಗಾದೆ ಉಂಡು. ಈ ಪಾತೆರೊ ಇನಿಕ್ಕ ಸರಿ ಗಟ್ಟಾಪುಂಡು, ಬರ್‍ಪಿನ ನುಪ್ಪುತ ಮೂಲೊ ನಿಜವಾತ್ತಲಾ ಕೈಪಿನೆ. (ರಾಸಾಯನಿಕ-ಔಷಧಿ ವಿವರಣೆ)ಅತಿಕರೆಯ

10-ನಮೊ ಇನಿ ಉಂಡೋದುಲೊ,್ಲ ಅವೇ ನಮ ಜೊಕುಲೆಟ ಬಾರ್‍ತ ಮರೊ ತೂತರೋಂದ್ ಕೇಂಡ ಕೈ ದೇರ್ಪುವೊ. ಬಾರ್ ಬುಳೆಪುನ ಒಲ್ಪ ಓಲು ಇಂಚಿತ್ತಿ ವಾ ಕತೆಲಾ ಗೊತ್ತಿಜ್ಜಿ. ಅಂಚಾತ್ ಇನಿ ಶ್ರಮ ಸಂಸ್ಕøತಿ ತುಳುನಾಡ್‍ನ್ ಬುಡುತ್ತು ಪೋತುಂಡು. ಸರಿಯಾತ್ 4 ತಿಂಗೊಳು ವಿಭಾಗೊ ಮಲ್ತತ್ ಇತ್ತಿನ ಏನೆಲ್, ಸುಗ್ಗಿ, ಕೊಳಕೆ ಬೆನ್ನಿ, ಐಕಾತ್ ಇಡೀ ಊರು ಸೇರೊಂದಿತ್ತಿನ ಶ್ರಮ ವಿಭಜನ ಇನಿ ಇಚ್ಚಿ. ಐತ ಬದಲ್ ಮದ್ರ್ದ್ ಪರ್ಪನ ಸಂಖ್ಯೆ ಆಸ್ಪತ್ರೆತ ಸಂಖ್ಯೆ ಜಾಸ್ತಿ ಆತ್ತಂಡ್. ಕರಾವಳಿತಕುಲೆಗ್ಗ್ ಇನಿಲಾ ಮೆಡಿಕಲ್ ಕೋರ್ಸ್‍ತ ಮಿತ್ತೇ ಕಣ್ಣ್. ಅಭದ್ರತೆನೇ ಅಯಿಕ್ಕ ಕಾರಣೊ ಆತಿಪ್ಪೊಡು.

11-ಬೇಸಾಯ(ಬೆನ್ನಿ) ಜಾನಪದ- ಬೇತೆ ಬೇತೆ ಭಾಷೆತ ಜನಪದ ಸಾಹಿತ್ಯಗ್ ಸರಿ ಸಮಾನಾದ್ ಇತ್ತಿನÀ್ಜನಪದ ಸಾಹಿತ್ಯ ತುಳುತವು. ಭೂತೊದ ಕೊಡಿಯಾಡಿತ ಎದ್‍ರ್ ಪನ್ಪಿನ ಪಾಡ್ದನೊ ಅಯಿನ್ ಕೊಡಿಯಾಡಿ ಬುಡ್‍ಂಡ ಪನ್ಪಿನವು ಕಂಡೊಟು. ಪಾಡ್ದನೊ ಸಂದಿ ರೂಪೊ ಪಡೆಯಿನ ಕಂಡೊಟೇ (ವಿವರಣೆ) ವಾ ಭಾಸೆಟ್ಟಲಾ ಇಚ್ಚಾಂತಿನ ಕಬಿತಾಂದ್ ಪನ್ಪನ ನೀಳ್ಕವಿತೆ ಉಲ್ಲಾಯಿನ ತುಳುಟು ಪಾತ್ರೊ, ಅವು ಪುಟ್ಟಿದಿನ ಕಂಡೊಟು. ಅಡೊತ್ತೊಂದಿಪ್ಪುನಾಗ ಪಂಡೊಂದಿತ್ತಿನ ಉರಲ್, ತುಳು ಗಾದೆ ಒಗಟು,ಕತೆ ಮಾಂತಲಾ ಬೆನ್ನಿದ ಕಂಡೊನು ಜನ್ಮ ಸ್ಥಳವಾತ್ತ್ ಪಡೆಯೊಂದು ಬತ್ತಿನವು. ಆಂಟ ಇನಿತ ಕೃಷಿಟ್ ಆ ಪುಟ್ಟು ಉಂಡೊಂದು ಪ್ರಶ್ನೆ?

12-ಬೆನ್ನಿದ ಆಚರಣೆ, ಇನಿ ಆಚರಣೆತ ಅರ್ಥೊ ಬದಲಾತ್ತ್‍ಂಡ್. ಇನಿ ಒಯುಲಾ ಒಂಜಿ ಇಲ್ಲ್‍ದ ಆಚರಣೆ ಆದ್ ಒರಿತ್ತಿಜ್ಜಿ. ಐಕ್ ಸಾಮೂಹಿಕತೆತ ಸ್ವರೂಪ ಬತ್ತ್‍ಂಡ್ ಆಂಟ ಬೆನ್ನಿತ ಬದ್‍ಕ್ ಅಂಚತ್ತ್, ಅವುಲು ಪ್ರತಿಯೊಂಜಿ ಇಲ್ಲ್‍ಟ್‍ಲಾ ಆಚರಣೆಲಿತ್ತೊ. ಬಿಸು, ಪತ್ತನಾಜೆ, ಆಟಿ ಅಮಾಸೆ, ಕೆಡ್ಡಸೊ, ಪರ್ಬೊ, ಕಾವೇರಿ ಸಂಕ್ರಮಣೊ ಸರಿಯಾತ್ತ್ ಇಲ್ಲ್‍ಟಿತ್ತಿನ ಆಚರಣೆ. ಒಂದು ಮಾಂತ ಬೆನ್ನಿದ ನೆಲೆಟ್ ಮಲ್ತೊಂದಿತ್ತಿನ ಆಚರಣೆಲು ಇನಿ ಬೆನ್ನಿ ಇಜ್ಜಿ. ಅಂಚಾತ್ತ್ ಆಚರಣೆಲು ಊರು ಬುಟುತ್ತು ಪಿದಾಯಿ ಬತ್ತ್‍ತ್ತ್‍ಡ್.

13-ನಮ ಕೋರ್ಟ್‍ಗ್ ಕಂಬಳ ಇನಿ ಹಿಂಸೆದ ಗೊಬ್ಬಾತ್ತ್‍ಂಡ್, ಕಂಡೊನೇ ಇಜ್ಜಿ ಅಂಚಾತ್ತ್ ಕಂಡಕೋರಿ ಇಜ್ಜಿ, ಬಾರ್ ಇಜ್ಜಿ ಅಂಚಾತ್ತ್ ಪುದ್ವಾರ್ ಇಜ್ಜಿ, ಮದಿಮೆಲಾ ಸಾವುಲಾ ಬುಡ್‍ಂಟ ಇನಿ ಜನಸೇರುನ ಪಾತೆರುನ ಸಂದರ್ಭೊನೇ ಇಜ್ಜಿ, ಮದಿಮೆಟ್‍ಲಾ ಜನ ಇಜ್ಜಾದಿ ಪೊರ್ತು ಏಪೊಂದು ಪನ್ಪಿನವುವೇ ಲೆಕ್ಕಾಚಾರೊ.

14-ಒಂಜಿ ಪೂಕರೆ ತೂಲೆ ಆ ಊರುತ ಮಾಂತಾ ಜಾತಿತಕುಲುಲಾ ಸೇರುನಂಚಿನ ಆಚರಣೆ(ವಿವರಣೆ). ಒರಿ ಗುತ್ತು ಇಲ್ಲ್‍ದ ಯಜಮಾನ್ಯೆ ಸೈಂಟ ಅವುಲು ಬೆನ್ಪುನ ಕಲಾಲಗ್ ಇಜ್ಜಾಂಟ ಕಾಪಡಗ್ ಸೂತಕೊ ಇತ್ತ್‍ಂಡ್. ಮುಸ್ಲಿಂ ಪೊನ್ಜೊವು ಕಂಡೊಟು ಕೋಟಿ-ಚೆನ್ನಯ, ದೇವುಪೂಂಜನ ಪಾಡ್ದನ ಪನ್ಪಿನೆನ್ ಯಾನ್ ಎನ್ನ ಈ ಕೆಬಿಟ್ ಕೇನ್ತೆ. ಆಂಟ ಇನಿ ಐನ್ ಎನ್ನಿಯೆರೆನೇ ಅವಕಾಶ ಇಜ್ಜಿ. ವಾ ಜಾತಿ ಧರ್ಮೊದ ಕಟ್ಟು ಪಾಡು ಇಜ್ಜಾಂತೆ ಬೆನ್ನಿದ ಕಂಡೊಟು ಒಟ್ಟಾಪಿನವು ನಮ್ಮ ಬೆನ್ನಿದ ಬದ್‍ಕ್.

15-ಬೆನ್ನಿಗ್‍ಲಾ ಭೂತಾರಾಧನೆಗ್‍ಲಾ, ಬೆನ್ನಿಗ್‍ಲಾ ನಾಗಾರಾಧನೆಗ್‍ಲಾ ನೇರ ಸಂಬಂಧ ಉಂಡು. ನಾಗನಕಲ್ಲ್, ಕಟ್ಟೆ ಅತ್ತ್. (ವಿವರಣೆ) ಆಂಟ ಇನಿ ಅವು ಮಾಂತ ಕಾಂಕ್ರಿಟ್ ಕಟ್ಟೆಯಾತ್ತ್‍ಂಡ್. ಜೀವೊ ಇತ್ತಿನ ನಾಗೆ ತರೆಪಾಡ್ತ್ ಜೆಪ್ಪಾಂದಿ ಲೆಕ್ಕೊ ಆತ್ತ್‍ಂಡ್. ಭೂತೊನು ನಂಬುನಂಜಿನ ಜನೊಕುಲು ಸಂಘಟನೆ ಆಪುನಂಜಿನ ಪರಿಸ್ಥಿತಿ ಇನಿ ನಿರ್ಮಾಣ ಆತ್ತ್‍ಂಡ್. ಕೈಕ್ ಕಾಸ್ ಬರ್ಪಿನ ವ್ಯವಹಾರೊಟು ಭೂತಾರಾಧನೆ ನಾಗಾರಾಧನೆಲಾ ಇನಿ ವ್ಯವಹಾರೊದ ಕೇಂದ್ರ ಆವೊಂದುಂಡು. ಬೆನ್ನಿದ ಬದ್‍ಕ್ ಅವೊಂಜಿ ಆರಾಧನೆದ ನೆಲೆಯಾತ್ತ್ ಇತ್ತ್‍ಂಡ್.

16-ಇನಿತ ಬದ್‍ಕ್ ಸರಿ ಇಚ್ಚಿಂದ್ ಪನ್ಪನವು ಎನ್ನ ಪಾತೆರೊ ಅತ್ತ್, ಕರಿ ನೂದು-ನೊತ್ತೈವೊ ವರ್ಷೊಡ್ದಿಂಜ್ಜಿ ಕಾಸ್ಸತ ಮರೊ ಆತ್ತ್ ನಮೊ ಬಳ್ಪಾವೊಂದು ಬರ್ಪಿನಂಜಿನ ಕಂಗ್, ಕರಿ ಐವೊ ವರ್ಷೊಡ್ದಿಂಜ್ಜಿ ಪೆತ್ತದ ಪೇರ್ದ್‍ಲಾ ಮಲ್ಲೇಂದ್ ತೋವೋತು ಬರೋತ್ತಿತ್ತುನ ರಬ್ಬರ್, ಕಾಸ್ ಒಂಜಿ ಬುಡುತು ಬೇತೆ ದಾದ ಕೊರ್ತ್‍ಂಡ್? ಕಾಸ್ ಇತ್ತ್‍ಂಡ ದಾಲಾ ಮಲ್ಪಿಯೆರೆ ಆಪುಂಡೂಂದು ಪನ್ಪನಿ ಭ್ರಮೆಟ್ಟ್ ಇನಿಲಾ ಜನೊ ಉಲ್ಲೆರ್. ಅಂಚಾತ್ತ್ ಪರಿಯೆರ್ ಸರಿಕಟ್ಟ್‍ದ ನೀರಿಜ್ಜಿ. ಗಟ್ಟದಕುಲು ಕೊರ್ಜಾಂಟ ಉನಿಯೆರೆ ನುಪ್ಪಿಚ್ಚಿ. ನಮ ಬಜ್ಜೈನ್ ಓಡೆಗ್‍ಲಾ ಕೊರ್‍ಪುಜ್ಜಿಂದ್ ಪಂಡ ಏರ್‍ಲಾ ಸೈಯಯಾಯೆರ್, ಆಂಟ ಅರಿ ಕೊರ್‍ಪುಜ್ಜಿಂದ್ದ್ ಪಂಡಾ? ಇನಿಲಾ ಕೆವು ಕಡೆ ಕಂಡೊ ದೀತ್ ಬೆನ್ನಿ ಮಾಲ್ಪುನಗುಲು ಉಳೇರ್. ಬೆಳ್ತಂಗಡಿದ ಬಿ.ಕೆ ದೇವರಾವ್(ವಿವರಣೆ)

17-ಸ್ವಾವಲಂಬಿಲಾತಿತ್ತಿನ ತುಳುವೆರ್ ಇನಿ ಪರಾವಲಂಬಿಲು. ಸೋಡುಡುತ್ತ್ ದೆತ್ತ್‍ದ್ ನೀರ್ ಪರೋದಿತ್ತಿನಕುಲು ಉಪ್ಪು ನೀರ್ ಪರೊಡಾಯಿನ ಸ್ಥಿತಿ. 3000 ವರ್ಷೊಡ್ದಿಂಚ್ಚಿ ಸಾಗೋಂತು ಬತ್ತಿನ ಕಟ್ಟುನಿಟ್ಟ್‍ದ ಬದ್‍ಕ್ 35 ವರ್ಷೊಡ್ದಿಂಜಿ ಬಾರೀ ಬದಲಾವಣೆ ಆತ್ತ್‍ಂಡ್. ಈ ಬದಲಾವಣೆ ಓಡೆಗ್ ಮುಟ್ಟ ಕೋಡಿ ಎತ್ತುಂಡು? ನಮ ಜೋಕುಲೆನ ಸ್ಥಿತಿಗತಿ ದಾದ ಉಂದೆನ್ ಎನ್ನ್‍ಂಡ ಪೊಡಿಪ್ಪಾಂತ್ತಿನಾಯೆಲಾ ಪೋಡಿಯೊಡು. ಬೆಗರಾದಿನಾಯೆಲಾ ಬೆಗರೊಡು.

ಮುಕ್ತಾಯ: ಎನ್ನ ಅಜ್ಜಿ ಪಂಡೊಂತು ಇತ್ತೆರ್, ಇನಿ ಕರೀಂಡ ದಿನೊ ಕರೀಂಡ್‍ದ್ ಇಪ್ಪುನಕುಲು ಎಲ್ಲೆ ದಾಲಾ ಆವಡ್‍ದ್ ಇಪ್ಪುನಕುಲು. ದುಂಬು ಇಂಚಿತ್ತಿನಕುಲೆನ ಸಂಖ್ಯೆ ಕಡಮೆ ಇತ್ತ್‍ಡ್ ಆಂಟ ಇನಿ ಅಂಚ ಇದ್ದಿ ಇನಿ ಅಯಿನ ಸಂಖ್ಯೆ ಜಾಸ್ತಿ ಆತ್‍ಂಡ್.(ವಿವರಣೆ)

ಈ ಅಶಯೊಡು ವಿಶ್ವ ತುಳೂ ಸಮ್ಮೇಳನ ನಡತೋಂತುಂಡು. ತುಳುವೆರ್‍ನ ಬದ್‍ಕ್ 35 ವರ್ಷೊಗು ದುಂಬು ಎಂಚನೋ ಅಂಚ ಇನಿ ಇಪ್ಪೊಡು, ಬದ್‍ಕ್‍ಟ್ ಬಡಪತ್ ಇತ್‍ಂಡಲಾ ನೆಮ್ಮದಿ ಇತ್‍ಂಡ್........

ಡಾ.ಸುಂದರ ಕೇನಾಜೆ